A CIG ven de presentar un escrito á DX solicitando a apertura do proceso de negociación do sistema ordinario para o acceso ao grao inicial da traxectoria para aque persoal funcionario que non reunía os requisitos de acceso ao sistema extraordinario no momento da convocatoria (por non ter a antigüidade, por estar nese momento destinad@ fóra de Galicia, etc...)
Consonte ao artigo 34.6 do TREBEP o proceso de negociación iniciarase no prazo máximo dun mes dende que a maioría dunha das partes lexitimadas de cada Mesa de Negociación o promova, non existindo causas legais ou pactadas que o impidan.
É por iso polo que, ademais de remitir o escrito á DX, enviamos ao resto das organizacións sindicais presentes na mesa (SPJ-USO, AXG-CUT, STAJ, UGT e CCOO) outro solicitándolles que se unan á nosa proposta para conformar unha maioría sindical suficiente que obrigue á Administración a convocar a mesa de negociación ante o flagrante incumprimento por parte da DX do pactado no acordo; en concreto, a base cuarta establece que no segundo semestre de 2022 tramitarase o sistema ordinario de encadramento para o acceso ao grao inicial daquel persoal funcionario que non cumpra os requisitos para acceder ao sistema extraordinario previsto neste acordo. Por outra banda, a base quinta recolle o prazo de seis meses dende a sinatura do mesmo para que a Administración propoña á comisión de seguimento o desenvolvemento do sistema ordinario de recoñecemento da traxectoria profesional para posteriormente ser negociado na Mesa Sectorial de Xustiza.
Pasados de sobra os prazos acordados, é polo que dende a CIG solicitamos a convocatoria no prazo máximo dun mes da Mesa Sectorial da Administración de Xustiza en Galiza para abordar este tema, para o que precisamos o acordo da maioría sindical, polo que instamos ao resto de forzas a unírense a esta petición.
Ligazón folla informativa:
https://drive.google.com/file/d/15aZLZODCs2WeCBWKxmWH90r8Rk-0DL92/view?usp=sharing
Ligazón escrito presentado:
https://drive.google.com/file/d/1qMpajvUvkPHEvnGhlrUm_H22z15pZ7rY/view?usp=sharing
Comentarios
Publicar un comentario