Tristemente xa apareceu un posible caso de coronavirus polo contaxio dun compañeiro nun xulgado do Social de Vigo, a través dun familiar cercano. Era de esperar que tarde o temprano aparecese o primeiro caso. O que non é de recibo e que os que teñen que tomar decisións, porque para iso están designados en postos de responsabilidade, non decidan pechar o xulgado durante o estado de alarma (a lo menos 15 dias) e manden as compañeiras/os para o seu domicilio a pasar a corentena. Neste caso debería de pecarse de cautela, tendo en conta que arredor do Social 3 hai outros moitos xulgados e comapañeiras/os. Moi ao contrario, a decisión vai ser simplemente desinfectar o xulgado e reaperturalo o mércores baixo unha excusa tan banal como o de "non crear máis alarma da necesaria" como se non foramos adultos e non soubésemos comprender a gravidade da situación.
En fin, o venres pasado que houbo mesa sectorial e debiamos de estar planificando como enfrontar esta situación, fixar canles de comunicación áxiles e fiables para a transmisión da información, ter un gabinete formado por representantes de Xuices Decanos, LAX, sindicatos e Administración; no canto diso houbo que negociar a carreira profesional e logo, durante toda a fin de semana, estivemos como polo sen cabeza, sen recibir información fiable ata o domingo a noite, e neste momento seguimos sen cabeza, con filtracións interesadas por parte da administración autonómica. Nalgún momento habería que pasarlle factura aos cargos directivos de libre designación.
Comentarios
Publicar un comentario