jueves, 31 de mayo de 2012

ULTIMA HORA SECRETARIOS SUBSTITUTOS-ADSCRITOS TEMPORAIS

   Segundo contestación dada polo responsable de concursos do Ministerio á consulta realizada pola CIG para o caso dos xestores adscritos temporalmente entre o 30 de abril de o 4 de xuño, por teren cesado como secretarios substitutos, o dito responsable indicou o seguinte:

1) Se na localidade de adscripción NON SE CONVOCAN vacantes no concurso non é obrigatorio concursar e manterase ao interesado na adscripción temporal que lle foi concedida ata o seguinte concurso de traslados.

2) Se na localidade de adscripción saen outras vacantes, ainda que non saia a praza na que está adscrito o interesado, por aplicación do Art. 70 do regulamento é obrigatorio concursar pois se non pasaríase á situación de excedencia por interese particular.

AXUDAS ESCOLAS INFANTIS

   No DOG do 30 de maio saiu publicada a ORDE do 24 de maio de 2012 pola que se regulan as axudas económicas para atención da primeira infancia en escolas infantís 0-3 non sostidas con fondos públicos a través do programa Cheque infantil, e se procede á súa convocatoria.

lunes, 28 de mayo de 2012

PROBLEMÁTICA NO CONCURSO DOS ADSCRITOS PROVISIONAIS



De seguido vos transcribimos o texto do correo electrónico remitido no día da data á Dirección Xeral de Xustiza indicando a problemática suscitada no caso dos Secretarios Substitutos que teñan cesado dende o 30 de abril de 2012 e foran adscritos temporalmente a unha praza (normalmente á que deixaron cando eran xestores).

CONCURSO DE TRASLADOS 2012

   Por fin chegou o día e, o pasado 24 de maio, sairon pubicadas as resolucións de convocatoria do concurso de traslados deste ano 2012. Este ano poderase presentar a instancia a través da plataforma informática AINOA o que beneficiará sobremaneira os tempos de resolución do concurso, pois a instancia queda gravada de xeito informático, ainda que non evita que se teña que remitir a instancia en formato papel.
   Como parte dos recortes xa avanzados e que, ao parecer, non teñen límite, a administración autonómica galega tomou a decisión unilateral de bloquear un monto total de 104 códigos (47 Xestión, 41 Tramitación e 16 Auxilio), polo tanto haberá 104 destinos de Galiza que non poderán ser solicitados a resultas.
   Para dúbidas sobre o funcionamento de AINOA, podedes contactar de 9,00 a 14,00 horas co Centro de Atención ao Usuario, no número de teléfono 91.390.46.05
 
Resolución concurso Galiza (DOG)
Resolución concurso Galiza (BOE)
Asistente para gravación de instancias vía internet (AINOA)
Instancia concurso 2012 
Codigos Resultas Xestion Galiza
Codigos Resultas Tramitacion Galiza
Codigos Resultas Auxilio Galiza

miércoles, 9 de mayo de 2012

ÚLTIMAS VACANTES ANUNCIADAS POLA XUNTA

   Deixámosvos aquí abaixo o enlace, para que poidades votarlle unha ollada, ás prazas vacantes que poderían sair no vindeiro concurso de traslados e que nos foi facilitado pola Dirección Xeral de Xustiza.

Vacantes 09/05/2012

viernes, 4 de mayo de 2012

ÚLTIMA HORA - COMPLEMENTO SUBSTITUCIÓNS

   A Dirección Xeral puxo no noso coñecemento que a asesoría xurídica da Xunta comunicou que o auto de data 02/04/2012 é firme, polo que xa neste mes de maio quedará sen efecto a percepción do complemento que anula a sentenza. En consecuencia, proximamente publicarase no DOG a modificación da resolución de 07/05/2008.
   Non obstante o anterior, postos en comunicación coa Subdirección Xeral, solicitamos a urxente convocatoria da mesa sectorial, a fin de afrontar as posibles solucións a esta problemática antes de que teñamos que comezar coas mobilizacións  e o persoal renuncie as substitucións. Por parte da subdirectora confirmouse que o vindeiro 9 de maio, entre outros temas, trataríase o das substitucións e as posibles solucións alternativas.
   A CIG agardará ata dita xuntanza da mesa sectoraial para adoptar unha decisión e informar as traballadoras e traballadores sobre os pasos a seguir, xa que non se pode consentir que, pola realización dun traballo non se perciba a remuneración correspondente.
 

miércoles, 2 de mayo de 2012

XORNADA SOBRE "A HORA DA XURISDICIÓN VOLUNTARIA"

   No DOG do 30 abril saiu publicada a convocatoria dunha xornada formativa que se realizará en xornada de mañá e tarde o vindeiro 14 de maio sobre "A HORA DA XURISDICIÓN VOLUNTARIA"
   O prazo e inscripción remata o vindeiro 11 DE MAIO.

ABERTO O PRAZO PARA AS REVISIÓNS MÉDICAS PERIÓDICAS

   No DOG do 30 de abril publicouse a nova campaña de vixilancia da saude para este ano 2012 e, polo tanto, xa está aberto o prazo para solicitar a revisión médica pertinente. Podedes pedir a vosa cita facendo click no enlace de abaixo ou no correspondente icono ubicado na sección dereita deste blog.
   O prazo de inscrición rematará transcorrido un mes a partir do día seguinte ao da publicación da resolución no DOG (31 DE MAIO), agás persoal de nova incorporación, persoal que se incorpore ao traballo tras unha ausencia prolongada por motivos de saúde e persoal que, durante o prazo de solicitude, estea gozando das vacacións. Nestes supostos deberá presentarse a debida xustificación ante o Servizo de Prevención de Riscos Laborais

PLAN XERAL DE VACACIONS 2012

   Informásenos por parte da Dirección Xeral que o Programa anual de vacacións do ano 2012 está a disposición de todo o persoal ao servizo da Administración de xustiza na intranet xudicial. A continuación póñémosvos o enlace á nova. O principal cambio con respecto ao pasado ano é a posibilidade da tramitación das peticións a través da acceso informático ao AIX (igual que para  a petición de permisos), facilitando o traballo ao persoal así como a posterior xestión nos Servizos de Xustiza, conseguindo ademáis eliminar o papel en toda a tramitación.

Acceso ao Plan de Vacacións