jueves, 30 de diciembre de 2010

ACLARACIÓNS A ACEPACIÓN DE PRAZAS DO PERSOAL INTERINO


   Á vista do acontecido nestas semanas con respecto á preselección e aceptación de prazas por persoal interino e, despois de falar coa Administración, cremos que debemos aclarar uns aspectos da orde do 13 de agosto de 2010.
   Así, o art. 1 no seu apartado b) establece a “obriga de comunicar a aceptación de prazas (establecendo entre elas a orde de preferencia no caso de aceptaren varias) ou para manifestar expresamente o seu rexeitamento da oferta. A comunicación de cada participante deberá conter, como mínimo, aquelas prazas que sexan da súa zona de preferencia”.
   Pero o art.. 3 establece que “se tras o proceso descrito nos dous puntos anteriores quedasen prazas sen aceptar, os departamentos territoriais da consellería competente notificáranlles a súa exclusión das bolsas de interinos ás persoas que a través do dito proceso foron chamadas para aceptar as prazas e non as aceptaron expresamente, feito este que determina o referido resultado.”
   Ante esta regulación, a DXX entende que só no caso de que algunha das prazas ofertadas quedase sen cubrir se terá en conta o feito de que alguén non aceptara unha praza da súa zona. Se se cubren todas as prazas, o feito de que alguén non acepte unha ou ningunha das prazas da súa zona non suporá a súa exclusión da bolsa.
   A fin de evitar esta problemática, xurdida na última convocatoria do pasado 22 de decembro, a CIG reiterou a administración a proposta feita xa no seu día relativa a que as prazas da zona de obriga correspondente ao candidato deber aparecer xa todas marcadas inexcusablemente na instancia a presentar (non poden quedar ao libre albedrío dos candidatos), coa única  opción de indicar a órde de preferencia sobre as mesmas, evitándose así o desmarcaxe voluntario ou involuntario das prazas da zona de preferencia e cumprindose polo tanto coa obriga prevista na norma.

SECRETARIOS XUDICIAIS - CONVOCATORIA OPOSICIONS 2010

  Segundo nos acaba de informar o Ministerio de Xustiza, no BOE do 31 de decembro sairá convocada a oposición para acceso pola quenda libre e rexistrinxida ao corpo de Secretarios Xudiciais.
  O prazo de presentación de instancias será de 20 días hábiles a partires do 1 de febreiro de 2011.
  Vemos como cando lle interesa ao Ministerio si se cumple co acordado na Mesa Sectorial e, sen embargo, cando non é así saltámonos os compromisos adquiridos. Referímonos, loxicamente, ao casos das compañeiras/os do corpo de tramitación que terán que agardar ata xaneiro de 2011 para ser nomedos e tomar posesión dos seus postos, cando os mesmos poderían ser nomeados xa neste ano 2010 ainda que tiveran que tomar posesión no 2011. Aquí vemos a dobre vara de medir do Ministerio, unha para os Secretarios Xudiciais e outra para os corpos xerais.

lunes, 27 de diciembre de 2010

MARCHA ATRÁS MINISTERIO TOMA DE POSESION TRAMITADORES OP2008

   Debido as presións de determinadas comunidades autónomas o Ministerio de Xustiza tivo que dar marcha atrás e desdecirse do compromiso manifestado en Mesa Sectorial, polo que finalmente as compañeiras e compañeiros da quenda libre de acceso ao corpo de Tramitación Procesual e Administrativa da OP2008 serán nomeados e tomarán posesión no 2011 e non do xeito no que nós habiamos informado con anterioridade en base ao compromiso ministerial.
    A Orde de nomeamento publicarase no BOE do 21 de xaneiro.

jueves, 23 de diciembre de 2010

ACCION SOCIAL 2010 - LISTAXES DEFINITIVAS

   A administración autonómica acaba de trasladarnos as listaxes defintiivas da Acción Social 2010 así como a Resolución que sairá publicada no DOG a dito efecto. Dita resolución está previsto que se publique antes do día 30 de decembro. Nas páxinas web estarán expostas a partir do luns 27 ou martes 28.
    Tamén a partir do lúns empezaráselles a notificar, de xeito persoal, aos solicitantes admitidos e excluídos dos programas III e IV.
    Do pagamento da acción social estase pendente da intervención, pero con toda probabilidade farase efectivo en xaneiro do ano 2011
    A contía prevista para o programa III na convocatoria non foi suficiente, polo que se acordou transferir o sobrante do programa IV a ese programa.
    Así mesmo nas contías do programa II, que tamén excedían a contía fixada na devandita convocatoria, reducíronse proporcionalmente as axudas, percibindo os solicitantes o 90% da cantidade xustificada e, o sobrante, transferiuse aos programas I e III que eran deficitarios.


Listaxes definitivas Programa I
Listaxes definitivas Progama II
Excluidos Prog. I e II

lunes, 20 de diciembre de 2010

MESA SECTORIAL MADRID - OPOSICIÓNS SECRETARIOS - ESCALAFON

O pasado venres 17 de decembro levouse a cabo unha Mesa Sectorial no Ministerio de Xustiza, na que simplemente se tratou sobre a publicación da nova oferta de emprego público para o acceso ao corpo de Secretarios Xudiciais e o mantemento das bases actuais de ditos procesos selectivos, sen que se producira ningunha modificacion das mesmas. En fin, un mero formalismo dos que nos ten acostumbrado o Ministerio de Xustiza, a fin de poder convocar sen problemas a vindeira oposición para acceso ao corpo de Secretarios.
O único productivo da xuntanza foi que preguntado por este sindicato se nalgún momento a administración central tiña pensado publicar un escalafón actualizado dos corpos xerais, por parte do Subdirector Xeral se nos indicou que en 15 días sería publicado o mesmo a través do portal do funcionario da intranet do Ministerio, polo que xa nos diriximos á Dirección Xeral de Xustiza de Galiza para que dita páxina sexa tamén accesible dende os equipos instalados na nosa Comunidade Autónoma.

viernes, 17 de diciembre de 2010

TOMA DE POSESIÓN TRAMITACION PROCESUAL - QUENDA LIBRE OP2008

O Ministeiro de Xustiza acaba de informarnos que os novos tramitadores da quenda libre da OP2008 serán  nomeados e publicada a Orde correspodente no BOE de finais de decembro de 2010 para que a conxelación de dous anos naturais surta efecto xa neste ano. A toma de posesión será efectiva en xaneiro de 2011.

RESOLUCIÓN DEFINITIVA COMISIÓNS DE SERVIZO

Hoxe a administración autonómica deunos traslado para a súa publicación das listaxes que conteñen a resolución definitiva das comisións de servizo convocadas no seu día. Nos corpos de auxilio e xestión non houbo cambios con respecto as listaxes provisorias. Non ocorreu así nas listaxes de tramitación que sufriron pequenos cambios no tocante aos xulgados do Social nº 4 de Ourense, Penal nº 4 de Pontevedra e Social nº 3 Compostela.

Lixtaxes definitivas adxudicacion comisions de servizo.

jueves, 2 de diciembre de 2010

COMISIÓNS DE SERVIZO - ORGANOS DE NOVA CREACIÓN

A administración autonómica acaba de darnos tralado das listaxes provisorias das comisións de servizo para os órganos de nova creación. Debedes ter en conta que para reclamar existirán 3 días hábiles (do 10 ao 14 de decembro) e, que ditas reclamacións, deberán ser remitidas ao fax 981546222.
Nos enlaces abaixo situados poderedes consultar tanto as prazas adxudicadas como as puntuacións outorgadas a cada partícipe.

Adxudicacións Auxilio
Adxudicación Tramitación
Adxudicación Xestión
Listaxes de puntuación
Listaxes de excluidos