martes, 17 de julio de 2018

MESA SECTORIAL MADRID - 12 DEN XULLO

O pasado 12 de xullo a CIG acudiu á Mesa Sectorial de Madrid na que se falou, entre outros, sobre os seguintes temas:

1) OEP 2018: Cuantificación por corpo e forma de provisión.
2) Acumulacion das OEPS 2017 e 2018

Ligazón Nota informativa:

CON ESTES MIMBRES QUEREN QUE FAGAMOS CESTOS

A Xunta de Galicia mantén equipos obsoletos con moitos anos de funcionamento e totalmente desactualizados con sistemas opertativos como Windows XP que, dende fai anos, carece de actualizacións e mantemento por parte de Microsoft. O dito, con estes mimbres queren que fagamos cestos ou, o que é o mesmo, a Xunta pretende que cuns cangallos vellos fagamos correctamente o noso traballo.

Ligazón escrito presentado:

viernes, 13 de julio de 2018

ADXUDICACIÓN DE PRAZAS EN SUBSTITUCIÓN

10 de xullo su a resolución coas adxudicacións das últimas prazas publicadas o pasado 4 de xullo, para a súa cobertura mediante substitución entre titulares. A información está dispoñible na intranet xudicial ou na seguinte ligazón:

jueves, 5 de julio de 2018

NOVOS SUPOSTOS DE INCAPACIDADE LABORAL TRANSITORIA.

Con data do 04/07/2018 publicouse no BOE  a Lei 6/2018, do 3 de xullo, de orzamentos xerais do Estado para o ano 2018, e, polo tanto, quedan ampliados os supostos de incapacidade laboral transitoria en que se percibe o cen por cento das retribucións.

"(...) amplíanse os supostos previstos no Decreto autonómico 169/2013 incorporando os seguintes:
• Interrupción voluntaria do embarazo no primeiro trimestre por indución farmacolóxica.
• Incapacidade temporal durante o tratamento de reprodución asistida.
• Enfermidades de declaración obrigatoria do Real decreto 2210/1995.
• Cardiopatías isquémicas.


A data de efectividade desta ampliación será a da publicación da norma estatal habilitante, é dicir, o 4 de xullo de 2018

PAGAMENTO DO 100% DAS SUBSTITUCIÓNS VERTICAIS

No DOG do 2 de xullo saiu publicada a RESOLUCIÓN do 22 de xuño de 2018, da Dirección Xeral de Xustiza, pola que se modifica a Resolución do 7 de maio de 2008, na que se regulan as substitucións entre funcionarios ao servizo da Administración de xustiza en Galicia e se autoriza o pagamento do 100% das substitucións verticais.

Ligazón Resolución:

NOVA OFERTA DE PRAZAS EN SUBSTITUCIÓN

Publicouse na INTRANET o día 04/07/2018 o aviso de prazas vacantes para proceder a súa cobertura por medio de substitución, o que tamén poderedes comprobar na ligazón que figura ao pe. O prazo de presentación de solicitudes será o 5, 6  e 9 de xullo.
A solicitude poderase cubrir no ordenador, en formato pdf, se descargades o formulario do Anexo II bis que aparece na ligazón e que teredes que enviar, debidamente asinado, por calquera un dos seguintes medios:
Correo electrónico: servicio.persoal.xustiza@xunta.gal
Fax: 981546222

Ligazón prazas en substitución:
Ligazón solicitude Anexo II bis:

miércoles, 4 de julio de 2018

A XUNTA E OS COLABORACIONISTAS NON QUEREN MESA SECTORIAL

Neste momento temos o convencemento que o acordo foi asinado dun xeito ilegal, pero as delegadas e delegados da CIG-Xustiza, despois de varias reunións nas que se avaliaron as distintas opcións xurídicas, sociais e laborais, veñen de tomar a decisión de non recorrer a resolución do día 28/05/2018, polo que se aprobou o acordo acadado o 23/05/2018 entre a Admón. da CC.AA de Galiza, USO, UGT e CC.OO, por considerar a existencia doutras opcións menos lesivas pero igual ou máis efectivas e contundentes para acadar o maior beneficio para o conxunto do persoal da Xustiza Galega.
Por todo o anterior, a CIG tomou, entre outras, a decisión de solicitar a convocatoria urxente da Mesa Sectorial, ao entender que a Comisión de Seguimento está a vulnerar o dereito de negociación colectiva e, no caso de non producirse a mesma, artellar os recursos pertinentes en defensa da usurpación de dito dereito de negociación.

Ligazón nota informativa:

lunes, 2 de julio de 2018

DENUNCIA ANTE INSPECCIÓN DE TRABALLO POLAS TEMPERATURAS DO EDIFICIO DE COMPOSTELA

A CIG denuncia ante inspección de traballo o problema das temperaturas que rexistra o edificio de xulgados de Compostela e a falta de solucións por parte da Dirección Xeral de Xustiza.

Ligazón denuncia:

INUNDACIÓN DO ARQUIVO XUDICIAL DA FABRICA DE TABACOS NA CORUÑA

O persoal de xustiza que se encarga do arquivo xudicial da Audiencia Provincial atopouse esta mañá con moreas de expedientes enchoupados e esparexidos por todo o soto da Fábrica de Tabacos, a causa da inundación que sufriu o edificio polas choivas desta fin de semana. A pesar deste desastre, nestes momentos só hai dúas persoas (unha técnica e unha auxiliar) tentando organizar, limpar e salvar os expedientes como boamente poden, posto que ningunha persoa con responsabilidade na Dirección Xeral de Xustiza se achegou até o edificio para avaliar o alcance dos danos.
Ligazón Nota Informativa: