viernes, 29 de enero de 2016

SI SE PODE MIGRAR A INFORMACIÓN DE "JUSTICIA.ES" A "XUSTIZA.GAL"

Onte, durante a celebración da mesa de seguimento sobre a implantación de Lexnet convocada polo "Ministerio de Justicia", esta central sindical interesouse pola supresión dos correos electrónicos corporativos co dominio “@justicia.es”.

O subdirector xeral de novas tecnoloxías, informounos dos motivos polos que se procede ó peche deste servizo.

Preguntado pola posibilidade de facer unha migración da información contida nesas contas ás novas, maniféstanos que é posible e que hai varias formas de facelo, cousa que o propio Ministerio fixo cando mudou o seu dominio, e comprometeuse a facilitar toda a información precisa para que se poida proceder a ese traslado de datos. Incluso están dispostos a prorrogar a desconexión da plataforma.

Vista a diferente información que reside nos correos corporativos (sobre todo nos dos Rexistros Civís) e ante as diferentes posibilidades amosadas para poder manter a información, instamos á Dirección Xeral de Xustiza e a Axencia para a Modernización Tecnolóxica de Galicia (AMTEGA) a que se poñan en contacto coa "Subdirección General de Nuevas Tecnologías del Ministerio de Justicia" para que de xeito automático se poida conservar a información almacenada nos correos de “@justicia.espara a súa migración a “@xustiza.gal”.

CURSOS DE FORMACIÓN PREVISTOS PARA XUSTIZA NO ANO 2016

No DOG (Diario Oficial de Galicia) de onte saíu a Resolución pola que se lle da publicidade ao Plan de formación do persoal das administracións e entes públicos da Comunidade Autónoma, das entidades locais e da Administración de xustiza de Galicia, así como do persoal de administración e servizos (PAS) das tres universidades galegas, para o ano 2016.

Ligazón cursos previstos Xustiza:

jueves, 28 de enero de 2016

A CIG CONSEGUE QUE O PARLAMENTO GALEGO APROBE POR UNANIMIDADE O DEBATE SOBRE UNHA TARIFA ELECTRICA GALEGA

A CIG avalía como un grande éxito que o Parlamento aprobara por unanimidade a ILP que presentamos en demanda dunha tarifa eléctrica galega e contra a pobreza enerxética
 
O Parlamento de Galiza acordou este martes, día 26 de xaneiro, tomar en consideración a ILP impulsada pola CIG en demanda dunha tarifa eléctrica galega e de medidas que permitan combater a pobreza enerxética. Para a central sindical conseguir que se inicie a tramitación parlamentaria deste texto, que chegou co aval de preto de 18.000 sinaturas, o apoio das deputacións provinciais da Coruña, Lugo e Pontevedra e máis de 50 concellos, entre eles os de 6 das 7 grandes cidades de Galiza, é un grande éxito

miércoles, 27 de enero de 2016

CAMBIO DA CONTA DE CORREO PARA RECEPCIÓN DAS NÓMINAS

Ao parecer, despois da nosa insistencia, con motivo do cambio de contas de correo corporativo que se realizará o vindeiro 31 de xaneiro, vaise proceder ao cambio AUTOMATIZADO dos enderezos de correo electrónico onde se recibe a notificación da nómina. Supoñemos que só cambiarán aquelas que estiveran co dominio JUSTICIA.ES
Como somos algo escépticos sobre que se faga ben esta transición, se o preferides podedes facer vos mesmos o cambio de conta seguindo este tutorial:

lunes, 25 de enero de 2016

NOVAS PRAZAS A SUBSTITUCIÓN E ADXUDICACIÓNS

Publicáronse na intranet xudicial o día 25/01/2016 os avisos de novas prazas ofertadas en substitución así como a adxudicación das anteriormente publicadas. Podedes tamén consultar directamente a información premendo nas ligazóns que se achegan abaixo. 
PRAZO DE PRESENTACIÓN DE SOLICITUDES: 25, 26 e 27 DE XANEIRO. 
Ligazón novas substitucións: 
Ligazón substitucións adxudicadas:

viernes, 22 de enero de 2016

CONTA DE CORREO PARA A RECEPCIÓN DAS NÓMINAS

Dende a CIG, ante a nova de que o vindeiro 31 de xaneiro de 2016 deixarán de funcionar as contas de correo corporativo do dominio “JUSTICIA.ES” cambiando o dominio a “XUSTIZA.GAL”, dirixímonos a adminsitración autonómica para indicarlle que debería proceder, a través do CIXTEC, a realizar dito cambio directamente, a fin de que as compañeiras/os recibiran correctamente a notificación da súa nómina.
Como moito nos tememos que o CIXTEC non realizará ese cambio, a continuación vos deixamos os gráficos coas instrucións que debedes seguir para trocar vos mesmos o enderezo de correo electrónico onde queredes recibir as vosas nóminas, se e que ata o de agora o viñades facendo nunha conta do dominio “JUSTICIA.ES”

Teredes que entrar no CIXTEC, coa vosa tarxeta, e premer na opción de Oficina Empregado Público - Servizos con Certificado:

Logo seguide as seguintes instrucións: