martes, 31 de julio de 2012

LISTAXES PROVISIONAIS CONCURSO TRASLADO - 2012

   O Ministerio acaba de trasladarnos os ficheiros coas adxudicacións realizadas de xeito provisional no concurso de traslados convocado por Orden JUS/1084/2012, de 30 de abril. O prazo de alegacións remata o vindeiro 15 de setembro e as mesmas deberán ser dirixidas principalmente ao Ministerio de Xustiza - Despacho 220 Concursos - Fax 913904295 - 913902394 - 913904279 - 913904250 e 913902076. A publicación no BOE da Orde farase o día 2 de agosto de 2012. É moi importante que comprobedes a exactitude entre os datos da instancia presentada e os da instancia gravada informaticamente, pois pode terse producido algún erro de transcrición.

jueves, 26 de julio de 2012

ADXUDICACIONS DEFINITIVAS PI TRAMITACIÓN - OP2011

   O Ministerio trasladounos a listaxe de adxudicacións definitivas das prazas do seu territorio para a quenda de promoción interna da OP2011 que sairá publicada no BOE o vindeiro 31-7-2012.

POSIBLES RECURSOS AO RDL 20/2012

    Ante as peticións dos compañeiros sobre posibles recursos contra o RDL 20/2012 (retirada da extra en decembro) indicar que contra dita norma, que ten rango de lei, non se pode interpoñer directamente recurso contencioso-administrativo, polo que dito recurso so cabe contra os actos de aplicación, é dicir, no noso caso, unha vez teñamos no noso poder a primeira nómina, onde se podería recorrer o feito de porque a nós se nos prorratea un desconto da paga extraordinaria, porque se pode facer en agosto-setembro cando a extra de decembro computa dende xuño tendo unha aparencia de efecto retroactivo, porque se nos discrimina con respecto ao resto de funcionarios obrigándonos a pagar por adiantado dende agosto o que o resto de compañeiros funcionarios farán en decembro, etc.. Estes e outros poden ser os motivos de recurso contra a aplicación do RDL nas nosas nóminas, pero para iso hai que ter as nóminas no noso poder, xa que calquera outra petición e como facer un brinde ao sol. Unha vez esgotada a vía administrativa e presentado o contencioso-administrativo correspondente, tamén podería darse a posibilidade de que o xuíz formulase unha cuestión de inconstitucionalidade contra a norma en si mesma, se considerase que fora contra algún principio constitucional, o que podería beneficiar ao noso recurso, de estimarse polo Tribunal Constitucional.

martes, 24 de julio de 2012

CONCENTRACIONS EN XUSTIZA 19-07-2012

 Vigo
Pontevedra
 A Coruña
A Coruña

viernes, 20 de julio de 2012

CONCURSO SECRETARIOS XUDICIAIS

No BOE do 20 de xullo sae publicada a Orde JUS/1607/2012, de 10 de xullo, pola que se convoca concurso de traslado para a provisión de prazas para o Corpo de Secretarios Xudiciais.

martes, 17 de julio de 2012

CADA VEZ MÁIS PRETO DUNHA "DITADURA"

   Os medios de comunicación calados e atados de pes e mans, recorte das liberdades sindicais, lexislación cada venres mediante decreto-lei, etc. isto, e máis, é o que nos está a deparar o goberno de maioría absoluta do PP de Mariano Rajoy. Se isto non é unha "ditadura" non sabemos moi ben que outra cousa pode ser, xa que en tempos de Franco tamén se lexislaba mediante Decreto.
   Os traballadores de todas as clases témonos que unir ante estas agresións (se non hai unión dos traballadores e as súas familias non hai nada) e, contraatacar tanto contra os que ostentan o poder público como contra as grandes multinacionais que están a especular cos seus beneficios coa débeda de España. Témonos que reivindicar como traballadores e sair a rúa para que a sociedade sexa consciente que o goberno actual carece de lexitimidade para seguir gobernando, posto que está a facer todo o contrario ao que prometeu no seu programa electoral.
   Contraataquemos con campañas contra Zara, Mercadona, Carrefour, Alcampo, Corte Ingles, Audasa (autopistas do atlántico), Fenosa, Gas Natural, etc.; carguemos os nosos carros ata as caixas de cobro e logo indiquemos que non podemos pagar porque nos quitaron a extra, vaiamos pola autoestrada e na peaxe indiquemos que non podemos pagar porque nos descontaron cartos do salario mensual, merquemos nunha sóa superficie en cada mes do ano evitando facelo nos 11 meses restantes, retrasemos o pagamento da luz e o gas e acto seguido paguémolos (2.500.000 funcionarios x 75 euros mes recibo luz = 187 MILLÓNS DE EUROS); que van facer, reclamar xudicialmente a débeda a dous millóns e medio de familias; pois que veñan aos xulgados que nos queremos traballar, pero claro pola súa estricta orde de chegada.
   En definitiva, temos que pasar a unha acción de "desobediencia civil" xa que a nós non nos consultaron para rebaixarnos o soldo, polo tanto estamos no noso dereito a retrasar o pagamento de determinados servizos e dificultarlle a súa vida as grandes multinacionais.
   Déixovos o enlace dunha análise preliminar realizada por la CIG onde se pode comprobar como mediante un Decreto-Lei o goberno de Mariano Rajoy é capaz de modificar unha lei orgánica; a do poder xudicial. 
   Agora parece que si nos modifican os nosos asuntos particulares, xa non percibiremos o 100% da baixa de enfermidade e nos descontan mesual e prorrateadamente a paga extra de nadal; en fin todo un sinsentido.

martes, 10 de julio de 2012

DESCONTOS POR BAIXAS DE ENFERMIDADE DO PERSOAL INTERINO

   A Dirección Xeral de Xustiza ven de confirmarnos que o persoal interino de xustiza non se verá afectado polas deduccións que se poideran producir como consecuencia dunha baixa por enfermidade ao aplicarse o criterio de que dito persoal está, igual que o persoal titular, sometido ao disposto na LOPX e, polo tanto, teñen dereito ao 100% das súas retribucións dende o primeiro día de baixa.

viernes, 6 de julio de 2012

ADXUDICACIÓNS E OFERTA DE PRAZAS AUXILIO E TRAMITACIÓN (PI) - OP2011

   O Ministerio acaba de trasladarnos a listaxe de adxudicación de destinos no corpo de Auxilio Xudicial da OP2011 no territorio non transferido. Segue mantendo como data de publicación oficial no BOE dos nomeamentos e das adxudicacións a do 19 de xullo próximo.


   Tamén nos trasladou a prazas desertas que lles van ser ofertadas dentro do territorio non transferido aos opositores do corpo de Tramitación da quenda de promoción interna da OP2011.

Prazas ofertadas Tramitación PI (Ministerio)

miércoles, 4 de julio de 2012

PUBLICACIÓN CONVOCATORIA ACCIÓN SOCIAL 2012

   Finalmente, hoxe día 4 de xullo, saiu publicada no DOG a Resolución do 8 de xuño de 2012 pola que se convocan as axudas de acción social para este ano 2012. Lembrade que este ano só haberá axudas para o programa de discapacidades e os solicitantes das mesmas deberán ter baixo a súa dependencia directa e legal e vivindo ás súas expensas, cónxuxe, fillos, tutelados por sentenza xudicial firme ou irmáns con discapacidade física ou psíquica superior ao 33%.
   O prazo de presentación de instancias finaliza o 31 DE XULLO DE 2012

Solicitudes polo portal do empregado público