Saltar ao contido principal

SOLICITUDE DE UBICACIÓN DO REXISTRO CIVIL DE VIGO

Desde a CIG vense reiterado, de igual xeito que se fixo desde a Xunta de Persoal, que a ubicación do Rexistro Civil non pode ser no edificio do casco vello onde actualmente está o SCNE e o reforzo do xulgado de cláusulas hipotecarias, posto que dito edificio non se adapta ao servizo que se ten que prestar desde o Rexistro Civil e mesmo os seus espazos de traballo quedarían excesivamente xustos para o cadro de persoal existente na actualidade, sen contar coa ubicación accesible dos libros que aínda non están dixitalizados, cuestión case imposible de acadar nun edificio que é completamente acristalado.

Pola nosa banda instamos a Dirección Xeral de Xustiza a que retome a idea de ubicación do Rexistro Civil no novo edificio xudicial do antigo "Hospital Xeral", pois entendemos que habería espazo suficiente para levar a cabo a mesma, máxime se temos en conta que a comisaría da policía autonómica non debería de estar nese novo emprazamento, cando os funcionarios xudiciais imos deixar baleiros dous edificios perfectamente adaptables para a función da comisaría autonómica.

En detrimento da ubicación no edifico da "Cidade da Xustiza" prantexamos, como mellor alternativa, a do edificio "La Gota de Leche" posto que ditas dependencias adáptanse moito mellor as funcións do Rexistro Civil e ao número de persoal existente, sendo un edificio moito máis emblemático e mellor ubicado e accesible que o do casco vello.

Ligazón escrito presentado:

https://drive.google.com/file/d/19mUXqcpJciVqmMcpeObifp8ZfR0ADgia/view?usp=sharing

Comentarios

Publicacións populares deste blog

NOVOS PERMISOS FAMILIARES EBEP

Mentras non se mude a OPAX haberá que facer a petición dos permisos a través dos modelos que vos deixamos na ligazón. Ligazón folla informativa e modelos: https://drive.google.com/file/d/1MPr5QqScvQRMwysy7gh6SzErzD0lrRKo/view?usp=sharing

ERRO MONUMENTAL NAS VACANTES DO VINDEIRO CONCURSO DE TRASLADOS

A media mañá de hoxe venres recibimos unha chamada da Subdirectora Xeral de Persoal da Adminstración de Xutiza de Galiza informándonos de que se vai ver modificada a lista de vacantes que se ofertarán no concurso. A razón é que se convocaron para a oposición un maior número de prazas das que agora teñen dispoñibles para outorgar destino, polo que se tivo que tomar a decisión de retirar do concurso aquelas prazas que non tiveran sido cubertas a resultas no do ano pasado. Entendemos que é un problema grave ao que a Dirección Xeral ten que buscar solución e que ningún aprobado/a se debe ver prexudicado/a pola mala previsión das persoas responsables, pero ofertando un menor número de prazas estase aminorando tamén a posibilidade de que os compañeiros e compañeiras que están destinados/as fóra de Galiza ou lonxe do seu domicilio poidan acadar unha praza máis próxima. Denunciamos polo tanto o mal facer da Administración neste caso así como o prexuízo que se está a causar ás persoas que quere

RESULTADOS ELECCIÓNS SINDICAIS 2023

Como sabedes, onte celebráronse eleccións sindicais na Administración de Xustiza en Galiza. Os resultados para a CIG non foron satisfactorios porque, ainda que se ben aumentamos en votos, perdemos unha delegad@ na provincia da Coruña e outra na de Pontevedra. Queremos felicitar aos compañeiros/as de Lugo que, con 4 delegad@s, son a forza maioritaria nesa provincia.  Os/ as demais abrimos un momento de reflexión sobre o traballo realizado e a maneira de melloralo de cara a conseguir unha maior confianza por parte dos/as traballadores/as de Xustiza. Queremos agradecer tamén a todos aqueles e aquelas que confiastes en nós e nos destes o voso voto. Por vós seguiremos loitando da maneira que nos caracteriza e intentando que o noso traballo chegue a máis xente. "Non podemos cambiar o mundo, pero o mundo non nos vai cambiar a nós".