Esta mañá estabamos convocadas todas as centrais sindicais con representación na Mesa sectorial do Ministerio a unha reunión para tratar a modificación da regulación das substitucións do corpo de LLAX e a reforma do sistema de reserva de prazas para o persoal do corpo de xestión que accede a prazas de LAX en substitución.
Aínda que a CIG non participa da convocatoria de folga que actualmente se está a producir, por solidariedade co resto de formacións vimos acaído facer o mesmo ca elas non acudindo á reunión, e así llo fixemos saber por escrito ao Ministerio.
Somos conscientes da urxencia de ambas cuestións e por iso agardamos que o conflito se resolva axiña e poidamos retomar a negociación destes temas canto antes.
Na documentación que se achegaba coa convocatoria, o Ministerio propuña modificar o RD 1451/2005, eliminando a letra d) do art. 68 sobre a adscrición provisional e engadir unha Disposición adicional cuarta co seguinte tenor literal:
“Disposición adicional cuarta. Destino de los funcionarios del Cuerpo de Gestión Procesal y Administrativa que hayan sido nombrados letrados de la Administración de Justicia sustitutos.
Al personal funcionario del Cuerpo de Gestión Procesal y Administrativa nombrado letrado de la Administración de Justicia sustituto, se le reservará, durante el tiempo que ocupe dicho cargo, el puesto cuya titularidad ostentara con anterioridad a dicho nombramiento, pudiendo ser cubierto éste temporalmente mediante adscripción provisional, comisión de servicio o sustitución.”
Congratulámonos de que por fin o Ministerio acolla a reivindicación tantas veces prantexada pola CIG e se elimine a eiva que impedía que moit@s compañeir@s se prantexasen acceder a postos de LAX substituto/a.
Ligazón folla informativa:
https://drive.google.com/file/d/1ia_w1gX-Akc4RW0329oIS2eT_BkiPwru/view?usp=sharing
Comentarios
Publicar un comentario