Recentemente se nos deu traslado da avaliación de riscos realizada pola empresa Cualtis, en relación coa realización de actos de comunicación, embargos e lanzamentos. Como consecuencia dese informe de avaliación a administración debería de implementar unha guia ou protocolo de actuación baseado na mesma, explicando e concretando como e con que medidas de seguridade laboral se deben levar a cabo ditas actuacións procesuais. A día de hoxe aínda non foi realizada dita guia/protocolo, como tampouco o foi a guia/protocolo de actuación nas salas de vista, cando noutras comunidades autónomas como a de Canarias ou a de Andalucía xa se realizaron pola adminsitración autonómica os mesmos. Aquí segue a aducirse neste caso, a competencia dos xuices e maxistrados na súa función de policia de estrados como obstáculo, ao parecer insalvable, para establecer este tipo de protocolos por parte da administración, cando a función de policía de estrados en ningún caso pode comprender e moito menos entorpecer unha función plenamente administrativa como é a e garantir a saúde laboral de todos os funcionarios presentes na sala de vistas, así como do resto de profesionais e público, no seu caso. Unha cousa e levar a dirección dunha vista, así como manter a orde e guiar o desenvolvemento do acto dun xuizo e outra moi diferente velar pola saúde laboral dos presentes. Así pois, dende a CIG vimos de solicitarlle a Dirección Xeral de Xustiza que leve a cabo a correspondente guia/protocolo de seguridade e saúde laboral tanto para o caso das salas de vista como para o caso dos actos de comunicación, embargo e lanzamento.
Ligazón avaliación de riscos:
Ligazón guia/protocolo Salas de Vistas Canarias:
Ligazón guia/protocolo Actos de Comunicación Canarias:
Ligazón guia/protocolo Andalucía:
Comentarios
Publicar un comentario