Esta ben podería ser unha denuncia sobre os problemas que existen en calquera dos órganos xudiciais mixtos das vilas galegas, tal e como xa reflectimos en outras novas como o caso de Ortigueira na provincia da Coruña ou o de Viveiro na provincia de Lugo, entre outros moitos, pero no presente caso os afectados son os órganos da provincia de Pontevedra.
A administración segue a manter uns cadros de persoal exiguos nos órganos das vilas o que leva aparellado que, fronte a unha carga de traballo elevada, ditos órganos non poidan asumir a mesma e a tramitación dos expedientes se vexa retrasada por meses. Dunha vez por todas a administración vai ter que poñerse mans á obra para reforzar os cadros de persoal deses órganos xudiciais, ben con persoal de reforzo, ben con prolongacións de xornada ou, o que sería máis lóxico, negociar un aumento dos cadros de persoal dos xulgados mixtos para poder asumir esa carga de traballo.
Ligazón escrito de denuncia:
https://drive.google.com/file/d/1xLhEUyBxnDHt8knp-YZE4yfMK0n0MPZb/view?usp=sharing
Comentarios
Publicar un comentario