CONCURSO DE TRASLADO PRÓXIMA CONVOCATORIA (2009)

A Dirección Xeral de Xustiza pasounos un borrador das prazas que nun principio podería sacar no concurso deste ano alo polo mes de abril. As prazas incluidas neste primer borador son:

Listado vacantes Xestión

Listado vacantes Tramitación

Listado vacantes Auxilio

a CIG non estando conforme coas mesmas formulou as alegacións seguintes:

• En primeiro lugar non estamos de acordo con que non se convoquen as prazas referentes os Xulgados de Paz tanto no referente as Secretarias como as de Xestión, pois aínda que se diga que como están próxima a constitucións das Agrupacións das Secretarias non se quitan, esta non debe ser causa para a non convocatoria de ditas vacantes, pois a Administracións posúe diversos mecanismos para adaptar no seu día os cadros de persoal as RPTs que se determinen para cada unha das diferentes agrupacións, se é que realmente algún día se chegan a constituír, cuestión que dudamos ante o nulo intres que a Dirección Xeral mostra por este tema.


• Tampouco estamos de acordo co bloqueo das 30 prazas do Corpo de Xestión, pois o noso Sindicato estima que todas e cada unha das prazas que no último concurso de traslado foron declaradas desertas, o foron de forma irregular, e así presentamos o correspondente recurso ante esa Administración (recurso presentado con data 15 de decembro, e que aínda a día de hoxe non nos contas que fose resolto). Polo que todas as prazas non cubertas no anterior concurso deberán ser consideradas vacantes, nunca desertas, e necesariamente deberán saír convocadas no vindeiro concurso. Caso de non ser así e tampouco resolver o recurso que temos presentado estaríasenos a causar unha indefensión non permitíndonos aducir a vía Contencioso-Administrativo (xa que a vía administrativa non esta esgotada), polo que posiblemente o próximo concurso podería ser impugnado.


• Tamén estimamos que como o vindeiro 1 de abril empeza a funcionar o Xulgado Mercantil 2 da Coruña, data que posiblemente o concurso aínda non fora convocado, polo que as prazas do mesmo deberían de ser incluídas entre as convocadas neste concurso, pois de non ser así estarían mais dun ano sen cubrir por titulares, cuestión esta que influirá negativamente na mellora do servicio publico da Xustiza.


• Do mesmo xeito este Sindicato ten coñecemento de que na provincia de Pontevedra no mes de marzo produciranse dúas xubilacións concretamente no corpo Xestión no Xulgado de Paz de Salvaterra a e no Xulgado do Contencioso nº 1 - Vigo, polo que tamén deberían de ser incluídas no próximo concurso pois de non facelo pasaría do mesmo xeito que no caso do Mercantil de A Coruña.

Por todo elo:

Interesamos que se inclúan na relación de vacantes para o vindeiro concurso:

1. Todas as prazas sen cubrir dos Xulgados de Paz tanto no referentes a Secretarias como do Corpo de Xestión.


2. Que non se consideren desertas as prazas non cubertas no ultimo concurso, senón como vacantes, e desa forma non se bloqueen as 30 prazas do corpo de xestión.


3. Que se convoquen as prazas correspondentes a Xulgado de Mercantil 2 de Coruña


4. Que inclúan as xubilacións do mes de marzo da provincia de Pontevedra así como outras posibles que a Administración teña coñecemento e que se produzan antes da convocatoria do concurso.