Recentemente a CIG voltou a insistir aos grupos parlamentares galegos na necesidade de implementar en Vigo e A Coruña o sistema de gardas de 24 horas, por entender que resulta imprescindible a aplicacion de dito sistema de garda, a fin de mellorar a atención ao cidadán e rematar coa discriminación das dúas únicas poboacións do estado que a dia de hoxe, contando con máis de 8 xulgados de instrución (se temos en conta os de Violencia de Xénero), non teñen en funcionamento dito sistema de gardas.
Así mesmo, e empregando outro enfoque para a resolución desta eiva, por aquilo de que se "Mahoma non vai á montaña, terá que levarse a montaña a xunto Mahoma", a CIG propuxo ao Consello Xeral do Poder Xudicial que, xa que logo o sistema de gardas de 24 horas estaba sendo aplicado a todas as poboacións con máis de 8 xulgados de instrución, agás Vigo e A Coruña, resultaría máis lóxico encamiñar os esforzos en reformar o actual Regulamento de Aspectos Accesorios 1/2005 pola vía do artigo 48.1 de dito regulamento e, dese xeito, plasmar a realidade actual dos servizos de garda das poboacións de 8 ou máis xulgados de instrución, convertendo en ordinario o extraordinario, unificando os artigos 57 e 59 do xa citado regulamento.
Ligazón escritos grupos parlamentares galegos:
Ligazón escrito CXPX:
Comentarios
Publicar un comentario