A MUXEXU informa a todas as/os mutualistas adscritas á entidade médica CASER que esa compañía non vai subscribir a prórroga do Concerto de Asistencia Sanitaria para 2021, polo que se fai necesario o cambio de entidade médica.
Con obxecto de facilitar este obrigado trámite, MUGEXU vai proceder a ampliar o período anual de cambio ordinario de Entidade para os mutualistas acollidos a CASER a partir do 1 de decembro de 2020.
Este prazo especial ampliado de cambio de entidade ordinario abarcará desde o 1 de decembro de 2020 ao 31 de xaneiro de 2021, período no que os mutualistas deberán elixir entre recibir asistencia sanitaria a través dalgunha das outras compañías aseguradoras que seguen a manter o concerto con MUXEXU: SEGURCAIXA ADESLAS, ASISA, DKV SEGUROS, MAPFRE, NOVA MUTUA SANITARIA, SANITAS ou a través dos Servizos de Saúde da Comunidade Autónoma respectiva onde se resida (opción INSS).
O cambio á nova entidade médica farase efectivo a partir do 1 de febreiro de 2021. Ata esa data, as/os mutualistas continuarán recibindo a asistencia sanitaria a través de CASER, como ata o de agora.
A MUXEXU está a traballar nun procedemento áxil, a través da sede electrónica, para que facilitar o cambio de entidade médica, sen necesidade de desprazamentos ás oficinas de MUGEXU. Nos vindeiros días informarase do procedemento fixado para realizar este cambio.
Comentarios
Publicar un comentario