RECOLLIDA DE DATOS PARA O SERGAS E PETICIÓN DE CRIBADOS

Aínda que nos Xulgados da Coruña a autoridade sanitaria galega ven de acordar un cribado masivo voluntario, non se sabe se pola incidencia existente na poboación da Coruña ou por calquera outro motivo xustificado, ante algunhas consultas de compañeiras/os sobre unha campaña de presentación de instancias para solicitar a participación nas campañas de cribado que está a realizar sanidade e, tamén co obxecto de facilitar os datos persoais a efectos de cesión dos mesmos ao Sergas, desde a CIG queremos manifestar o seguinte:

1) En canto á primeira das peticións contida nos escritos que andan a circular (nos que non consta a que organismo se dirixe a citada solicitude), comentar que descoñecemos se a día de hoxe o cribado acordado nos xulgados da Coruña se vai a extender ao resto do país e, como xa nos contestou sanidade o pasado 24/02/2021, entenden que un colectivo do 6% da poboación (o referido aos colectivos de MUXEXU, MUFACE e ISFAS) non é o suficientemente relevante como para ter que adicar os recursos públicos e esforzos da Consellería de Sanidade en tentar incluir a esas persoas nas campañas de cribado. Vamos, que co resto da poboación galega adscrita ao Sergas (se as matemáticas non fallan serían un 94%) xa lle chega para facer os cribados necesarios para o control da pandemia.

Ligazón contestación Consellería de Sanidade:

https://drive.google.com/file/d/1G9UvVDO9bp7A1eCRnH5FBqqBJsQ6NEph/view?usp=sharing

2) En canto á segunda das solicitudes contida no escrito, esa suposta cesión de datos a favor do SERGAS xa está acordada polas respectivas mutualidades aos servizos de saúde de cada comunidade autónoma, máis ala de poder discutir se esa cesión de datos por parte das mutualidades está amparada ou non pola Lei de Protección de Datos e todo isto esta sendo informado por todas as mutualidades nas súas respectivas notas informativas.

Moito non tememos que finalmente os datos contidos nas supostas solicitudes acaben formando parte dun ficheiro de datos para uso particular. Nesta era dixital hai que ter moito coidado coa cesión de datos persoais e donde se poñen os mesmos.