Por parte da CIG solicitamos tanto á Dirección Xeral de Xustiza como ao Servizo de Xustiza de Vigo que se autorizara a instalación, nas salas de vista, de liñas telefónicas propias a fin de facilitar a comunicación con outros órganos xudiciais, sobre todo cando se vai a realizar unha videoconferencia. Por parte do Servizo de Xustiza xa se nos indicou (escrito de contestación que se achega) que se están atendendo todas as solicitudes que se están efectuando e que debe ser a Letrada/o o que realice a petición correspondente. Supoñemos que no resto de servizos de xustiza serán atendidas igualmente as solicitudes de liñas novas para as salas de vista.
Así mesmo, solicitouse que se publique na intranet un protocolo de funcionamento, para cando as videoconferencias se teñen que realizar con outra comunidade autónoma fora de Galiza. Xa non é o problema das distintas plataformas empregadas polas respetivas CCAA se non que, en moitos casos, as funcionarias/os do órgano aos que se lles está a solicitar a videoconferencia, descoñecen a forma de proceder coa aplicación que se emprega en Galiza polo que, cando chega o día da realización da videoconferencia a mesma non se pode realizar.
Ligazón escrito presentado:
https://drive.google.com/file/d/1QSWiJ7IMdImklavGGgmWF9jYzwa-v8pY/view?usp=sharing
Ligazón contestación recibida:
https://drive.google.com/file/d/1IcN9_MfvYzJam3quGqNry-I3Uk2EHTGF/view?usp=sharing
Comentarios
Publicar un comentario