Hoxe, o novo xerente da MUXEXU, Juan José Tomás, mantivo un primeiro encontro con delegadas da CIG para presentarse como tal, tras ter recibido o seu nomeamento en dito cargo. Aînda que so se trataba dun primeiro contacto, desde a CIG aproveitamos para trasladarlle as principais reivindicacións do noso sindicato:
- Implantación da receita electrónica para os/as mutualistas con entidades privadas; neste sentido, o xerente manifestou que se está desenvolvendo unha experiencia piloto nunha comunidade con resultado satisfactorio e que tería unha doada implantación no resto de España.
- Creación do historial clínico para os/as mutualistas con entidades privadas, vinculado á tarxeta sanitaria;
- Incremento da contía das prestacións sanitarias e recuperación dalgunhas das perdidas nestes últimos anos.
- Equiparación co resto de pensionistas con respeto ao pagamento da medicación trala xubilación.
O xerente manifestou a súa plena disposición a afrontar estes temas por entendelos lóxicos e necesarios. Esperemos que o seu mandato sexa fructífero e, efectivamente, poidamos ver algún destes obxectivos cumpridos.
Comentarios
Publicar un comentario