A CIG, xunto coa CSIF, STAJ e UGT, participou na tarde deste mércores na comisión paritaria de seguimento do Acordo da Mesa Sectorial da Administración de Xustiza sobre o incremento no complemento específico do persoal do ámbito de competencia do Ministerio de Xustiza, adecuación salarial do Corpo de Letrados da Administración de Xustiza en relación coas novas funcións asumidas por este Corpo nas reformas procesuais e organizativas e desenvolvemento da negociación colectiva en materia organizativa e condicións de traballo na Administración de Xustiza.
Constituíronse os grupos de traballo do anteproxecto de Lei de Eficiencia Organizativa e da Carreira Profesional. Tamén se deu por constituído o grupo de traballo sobre a implantación do novo modelo de Rexistro Civil. (letras A, C e E do punto sexto).
Sobre a Lei de Eficiencia Organizativa e da Carreira Profesional, o Ministerio quere presentar o anteproxecto no Congreso en maio, polo que as reunións deste grupo terán unha periodicidade maior e xa quedamos emprazados para o día 29. Este mesmo día tamén comezará o diálogo sobre o novo Regulamento do Rexistro Civil.
Respecto da adecuación salarial do Corpo de LAX (punto cuarto), o Ministerio informa que xa ten o informe favorable de Facenda e que está agardando polo do CXPX. Unha vez recabado, procederán a envialo ao Consello de Ministros para a posterior publicación no BOE. Contan poder facer efectivo o pagamento xunto coa nómina do mes de abril.
Ligazón Folla Informativa:
https://drive.google.com/file/d/1CzUMktadva0RGubU8ugxkYHmOGy6DGCZ/view?usp=sharing
Comentarios
Publicar un comentario