Saltar ao contido principal

O PRIMEIRO INTERINO DE XUSTIZA, AFILIADO DA CIG, QUE COBRA A TRAXECTORIA DENDE XANEIRO DE 2020

Grazas a unha sentenza da CIG, un interino de Xustiza acaba de cobrar o grao I  da traxectoria profesional dende xaneiro de 2020. Achegámosvos como proba, na folla informativa, a primeira parte da nómina. En total uns 2.166,62 euros brutos, sen incluir os xuros. 

En días pasados o Tribunal Supremo inadmitiu o recurso da Xunta contra as sentenzas do TSXG que recoñecían o dereito do persoal interino da Administración Autonómica ao cobro desta retribución, tal e como xa avisamos que ocorrería. A intención da Xunta sempre foi exclusivamente dilatoria porque tamén eles sabían que o Supremo ía proceder á inadmisión. Cómpre agora que desista do recurso contra as sentenzas da Administración de Xustiza, que como dixo a CIG nunca debe interpoñer, pero como as custas non as vai pagar quen tomou a decisión senón que as pagaremos tod@s @s galeg@s, non pasará nada.

Nestes momentos a Administración autonómica anda querendo negociar un novo acordo de carreira; dende CIG Xustiza volvemos a solicitar que se abra un proceso de negociación de reforma da traxectoria para que esta recoñeza o dereito de todo o persoal a percibila e elimine as diferenzas entre corpos para acadar os distintos graos. Mentres isto non sucede, debe cumplir co publicado no DOG e abrir de xeito inmediato o grao II. 

Ligazón folla informativa:

https://drive.google.com/file/d/1-HM5CKu5SiqCrkaBihu9QmD4WDtvxihT/view?usp=sharing


Comentarios

Publicacións populares deste blog

NOVOS PERMISOS FAMILIARES EBEP

Mentras non se mude a OPAX haberá que facer a petición dos permisos a través dos modelos que vos deixamos na ligazón. Ligazón folla informativa e modelos: https://drive.google.com/file/d/1MPr5QqScvQRMwysy7gh6SzErzD0lrRKo/view?usp=sharing

ERRO MONUMENTAL NAS VACANTES DO VINDEIRO CONCURSO DE TRASLADOS

A media mañá de hoxe venres recibimos unha chamada da Subdirectora Xeral de Persoal da Adminstración de Xutiza de Galiza informándonos de que se vai ver modificada a lista de vacantes que se ofertarán no concurso. A razón é que se convocaron para a oposición un maior número de prazas das que agora teñen dispoñibles para outorgar destino, polo que se tivo que tomar a decisión de retirar do concurso aquelas prazas que non tiveran sido cubertas a resultas no do ano pasado. Entendemos que é un problema grave ao que a Dirección Xeral ten que buscar solución e que ningún aprobado/a se debe ver prexudicado/a pola mala previsión das persoas responsables, pero ofertando un menor número de prazas estase aminorando tamén a posibilidade de que os compañeiros e compañeiras que están destinados/as fóra de Galiza ou lonxe do seu domicilio poidan acadar unha praza máis próxima. Denunciamos polo tanto o mal facer da Administración neste caso así como o prexuízo que se está a causar ás persoas que quere

RESULTADOS ELECCIÓNS SINDICAIS 2023

Como sabedes, onte celebráronse eleccións sindicais na Administración de Xustiza en Galiza. Os resultados para a CIG non foron satisfactorios porque, ainda que se ben aumentamos en votos, perdemos unha delegad@ na provincia da Coruña e outra na de Pontevedra. Queremos felicitar aos compañeiros/as de Lugo que, con 4 delegad@s, son a forza maioritaria nesa provincia.  Os/ as demais abrimos un momento de reflexión sobre o traballo realizado e a maneira de melloralo de cara a conseguir unha maior confianza por parte dos/as traballadores/as de Xustiza. Queremos agradecer tamén a todos aqueles e aquelas que confiastes en nós e nos destes o voso voto. Por vós seguiremos loitando da maneira que nos caracteriza e intentando que o noso traballo chegue a máis xente. "Non podemos cambiar o mundo, pero o mundo non nos vai cambiar a nós".