A Xunta vai a subir ata os 67 anos a idade na que pode permanecer nas listaxes de interinos o seu persoal eventual, despois de varías peticións dos nosos compañeiros do Sector de Autonómica da CIG, na que se lle transmitía a administración a dificultade que determinado persoal interino estaba a ter para poder acceder ao cobro da súa pensión, ben por non ter o tempo suficiente cotizado, ben por non ter a idade de xubilación establecida, que neste ano sería de 66 anos e 4 meses.
Desde o Sector de Xustiza da CIG xa nos fixeramos eco deste problema fai meses e así llo transmitíramos á Dirección Xeral de Xustiza, para que levara a cabo as correccións pertinentes na normativa actual para que se puidese solicitar a prórroga da idade de xubilación e a correspondente permanencia na bolsa de interinos. A Dirección Xeral fixo caso omiso ás nosas peticións e por iso iniciamos unha reclamación xudical nese senso. A ver se agora, con esta decisión de Función Pública Autonómica e coa reclamación que temos presentada, a Dirección Xeral de Xustiza recapacita e lle permite ao persoal interino prorrogar a súa idade de xubilación e polo tanto permanecer nas bolsas de interinos mentras se manteña dita prórroga.
Ligazón nova "Faro de Vigo":
Comentarios
Publicar un comentario