AUMENTAN AS VÍTIMAS POR VIOLENCIA MACHISTA

As vítimas da violencia machista aumentaron un 10,89 por cento no segundo trimestre do ano e as denuncias, 45.743 en total, un 12,33 por cento

Entre abril e xuño de 2022 contabilizáronse 44.543 vítimas, unha cifra que indica que case 20 de cada 10.000 mulleres sofren este tipo de violencia en España. As vítimas presentaron sete de cada dez denuncias, as familias, o 1,77 por cento e os servizos asistenciais e terceiros, o 3,86 por cento do total. Os órganos xudiciais acordaron sete de cada dez ordes de protección solicitadas, un 8,7 por cento máis que hai un ano. As suspensións do réxime de visitas creceron un 329 % respecto ao mesmo trimestre de 2021 como consecuencia da aplicación polos xuíces da reforma da Lei Orgánica de protección integral á infancia e a adolescencia. Os órganos xudiciais ditaron 15.359 sentenzas, das que o 76,84 por cento foron condenatorias. A presidenta do Observatorio, Ángeles Carmona, eloxia a valentía das vítimas, que cada vez en maior número deciden denunciar aos seus agresores.

Ligazón CXPX:

https://www.poderjudicial.es/cgpj/es/Poder-Judicial/En-Portada/Las-victimas-de-la-violencia-machista-aumentaron-un-10-89-por-ciento-en-el-segundo-trimestre-del-ano-y-las-denuncias--45-743-en-total--un-12-33-por-ciento-