Hoxe celebrouse a Mesa Sectorial de Xustiza na que, por unha banda, aprobáronse as modificacións das RPT'S de Fiscalía e Imelga, a fin de adaptalas as prazas que se decidiron crear este ano e, por outra banda, rematouse a negociación do novo acordo da traxectoria profesional.
Se ben e certo que a adminstración modificou determinados aspectos do borrador inicial, a negociación estivo moi condicionada polo acordo que se estaba a tramitar en autonómica, de aí que pouca modificación se puido acadar nos tramos de pagamento da traxectoria e na redución de anos para consolidar os distintos graos. O ofrecemento final da administración foi manter as mesmas porcentaxes que no acordo autonómico de 60-80-100%.
O máis salientable do acordo foi acadar, dunha vez por todas, a igualdade entre todas as traballadoras/es da Administración de Xustiza; o que este acordo ven a subsanar, despois de dous anos de espera, provocados polos sucesivos recursos de apelación e casación interpostos pola Dirección Xeral de Xustiza contra as múltiples reclamacións prantexadas pola CIG que, en todo caso, non cabe dúbida serviron de panca para forzar esta nova negociación.
Así mesmo vaise poñer en marcha o grao II, que terá efectos retroactivos de 01/01/2022, activarase o grao I excepcional para as traballadoras/es que se incorporaron a Galiza a partir de 2021 e, finalmente, permitirase solicitar o grao II, nun prazo especial, naqules casos nos que se obtivera o grao I por medio de sentenza xudicial. Agora quedará a fase da negociación das distintas resolucións que deben poñer en marcha todas estas fases, incluído o sistema ordinario de acceso á traxectoria profesional, do que informaremos puntualmente cando se abra dita negociación.
Comentarios
Publicar un comentario