Na páxina web do Ministerio de xustiza ven de publicarse unha nota informativa sobre os desprazamentos do día 17 de abril para a realización dos exercicios de oposición do Corpo de Auxilio Xudicial:
As causas que poden xustificar as viaxes a outras zonas do país están recollidas no Real Decreto 926/2020, do 25 de outubro, polo que se declarou o segundo -e vixente- estado de alarma. Segundo o texto publicado, pódense realizar desprazamentos, entre outras razóns, para facer exames ou probas oficiais inaprazables.
Se algunha autoridade require a xustificación do desprazamento entre zonas de mobilidade restrinxida, considérase suficiente a presentación da publicación da data do exame no BOE e a inclusión do interesado nas listas de admitidos (Orde JUS/263/2021, do 16 de marzo, pola que se aproba a relación de admitidos e excluídos e anúnciase data, hora e lugar de celebración do primeiro e segundo exercicios do proceso selectivo para ingreso, polo sistema xeral de acceso libre, no Corpo de Auxilio Xudicial da Administración de Xustiza)
Calquera xustificante (necesidade de acompañante por motivos médicos, por exemplo) non pode ser emitido desde o órgano convocante, por carecer de competencia na motivación dos desprazamentos de persoas non incluídas nas devanditos listaxes.
Ligazón:
Comentarios
Publicar un comentario