Hoxe asistimos, xunto coas ooss, Ela, Ccoo, Ugt, Staj e Csif á Mesa Sectorial no Ministerio de Xustiza. Na mesma tratáronse os seguintes temas:
INFORMACION E ENTREGA DE DOCUMENTACIÓN SOBRE O PROXECTO DE LEI DE EFICIENCIA ORGANIZATIVA
O ministerio informa que está xa no seu último tramo e contan que se aprobe entre finais deste ano e principios do ano que ven. A lei de eficiencia dixital e a lei de eficiencia procesal estarán publicadas a finais do primeiro trimestre do 2023.
Dende a CIG opuxémonos a que o Ministerio se negue a negociar previamente esta norma xa que afecta seriamente ás condicións de traballo e tente facelo unha vez publicada a norma. O Secretario Xeral para a Innovación e Calidade do Servizo Público de Xustiza, que presidía a mesa, afirmou que trasladaría dentro do ministerio estas inquedanzas e que se negociarán todas as condicións que nos afecten.
BASES DE ESTABILIZACIÓN - PROCESOS SELECTIVOS LEI 20/21
Empezáronse as negociacións para a convocatoria destes procesos, que estarán publicadas antes de que remate o ano, aínda que con toda seguridade se desenrolarán no ano 2024.
Nesta primeira mesa, despois de facer as oportunas alegacións, o Ministerio aceptou que se amplíe o tempo para o cómputo da experiencia laboral. Tamén se porá unha nota mínima para superar a convocatoria por concurso.
Remitirán uns novos borradores, incluídos os de corpos especiais e LAX, quedando emprazados para remitir as alegacións por escrito previamente ás novas convocatorias de Mesas Sectoriais para o próximo 17 e 21 de novembro.
Ligazón folla informativa:
https://drive.google.com/file/d/1jopJK3a3pm8sI5D33yPg5KltWWjiBNjL/view?usp=sharing
Comentarios
Publicar un comentario