O pasado 10 de novembro, con carácter previo á próxima convocatoria da mesa de formación do persoal ao servizo da Administración de Xustiza en Galicia, tivo lugar unha reunión de traballo (videoconferencia) para analizar a programación de formación continua da EGAP para o ano 2023.
No seu día pasamos información (BLOG) sobre as alegacións que presentamos, as cales ampliamos en base á información pasada pola EGAP, coas listaxes dos cursos recollidos na oferta de formación específica do ano 2022 (número de horas, edicións de cada curso, cociente de peticións). Así mesmo puntualizar que aínda falta que nos dean traslado da partida orzamentaria para este próximo ano.
ALEGACIÓNS A MAIORES EN BASE AOS DATOS REMITIDOS POLA EGAP:
PRIMEIRO- dúas edicións dos seguintes cursos:
Asistencia Xurídica Gratuíta, Atención as vítimas do delito e información á cidadanía e As reformas lexislativas de incidencia procesual no ámbito civil e tamén penal (FX22024/025).
SEGUNDO.- un curso máis amplo de prevención de riscos laborais en oficinas e despachos, xa que no seu día tod@s, ou case tod@s, fixemos un curso obrigatorio de poucas horas dirixido pola Xunta.
TERCEIRO.- REXISTRO CIVIL, un curso que estea adecuado á nova lei.
INSISTIMOS:
Que o que máis interesa agora mesmo é capacitar ao persoal nas ferramentas que se usan a diario, (CORREOS, REAJ, VISOR, SIRAJ, Etc.), por iso cómpre organizar máis cursos presenciais e webinarios sobre estas materias.
Comentarios
Publicar un comentario